miércoles, 18 de diciembre de 2013

SEXUALITATE TAILERRA



Pasa den larunbatean, Barakaldoko gazteak bildu ginen sexualitate tailer bat egiteko. Tailerra bilgune feministako Emagin elkarteak bideratzen zuen. Han egon ginen bost orduz elkarrizketan gai askoren inguruan, hala nola, sexuaz, harreman sexualaz, parekidetasunaz, generoen banaketaz etab.

martes, 10 de diciembre de 2013

Euskal Herriko altxorretan barrena, bideo-dokumentala



Pasa den astelehenean sasibururekin elkarlanean, Arkaitz Astiazaranen bideo-dokumentala ikusi ahal izan genuen. Euskal Herriko herri, leku zein mendateak ikusteko aukera izan genuen, den dena Arkaitzen graziarekin azalduta.
Ostean, Euskal Herriko altxorrak bizikletaz konkistatu dituen Arkaitz bildutakoen galdera zein kezkei erantzuna eman zien. Horrez gain, ibilbidean zehar izandako bizipen eta anekdoten berrikustea egin zuen.Azkenik, bere bidaian zehar egindako argazkien koadroak erosteko aukera izan zuten ikusleek eta Arkaitzek postal bana eman zien haien parte hartzea eskertuz.

GAZTETXE IBILTARIA: EUSKAL OKA JOLASA + BERTSO SAIOA



Pasa den osteguneko arratsaldeko 5etan San Bizenteko elizako plazan bildu ginen gazteak. Gaztetxe Ibiltariaren muntaia egin eta eliza zein plaza pankartez apaindu eta gero, hasteko prest geunden.

Lehendabizi, euskararen erabilpena sustatzea helburu zuen Euskal Oka jolasari ekin genion gazteok, euskal musikak eta BGAren kuñak girotua.

Ondoren, 7ak aldera, bertso saioaren txanda iritsi zen. Plentziatik etorritako 3 bertsolariek Barakaldo, gaztetxea, BEC-a eta beste hainbat gai jorratu zituzten euren hitz solasaldian, betiere ikuspuntu kritiko eta umoretsu batetik.

Amaitzeko, Gaztetxe Ibiltaria batu genuen han bildutako gazteen laguntzarekin, laster gure herriko plazetan beste agerraldiren bat egingo duen konfiantzarekin.

GAZTEOK GAZTETXEA BEHAR DUGU!

Bultza Gazte Antolakuntza!










miércoles, 4 de diciembre de 2013

OIHU 14

Hona hemen gazte boletinaren 14. zenbakia. Honetan gabonetako kontsumismoari buruzko artikulu bat irakur dezakegu eta gure alkateari buruzko kritika zein artikulu feministak. Gogoratu haurten boletinak bakarrik digitalean ateratzen ditugula.

martes, 3 de diciembre de 2013

Euskal Herriko altxorretan barrena, bideo-dokumentala

Emanaldi honetan Arkaitz Astiazaranek egindako bideo-dokumenatala aurkeztuko dugu. Arkaitz Lastureko (Deba-Gipuzkoa) gazte bat da eta udaberrian Euskal Herrian zehar egindako ia 5000km-ko txirrindu bidaia azaltzen du, 800 herri eta 175 mendate igaroz. Berak motxilan zeraman kameraz grabatutako irudiekin sortutako 50` inguruko dokumentala da EUSKAL HERRIKO ALTXORRETAN BARRENA, baliabide oso xumeekin baina gogo eta ilusio handiz egina. Dokumentalaren helburua Euskal Herriko txokorik ederrenak erakutsi eta gure herrialdean bidaiatzeko ideiak ematea da. Informazio gehiago nahi izanez gero begira dezakezue egitasmoaren blog orrialdea: http://euskalaltxorretanbarrena.wordpress.com/. Dokumentalaren trailerra honakoa da: http://www.youtube.com/watch?v=u-UOhbJDsQE

GORA EUSKAL GAZTERI VERDEA!!

lunes, 2 de diciembre de 2013

Gaztetxe Ibiltaria: Euskal oka eta bertso saioa

Bagatoz berriro hurrengo Gaztetxe Ibiltariarekin. Honakoan euskararen eguna dela eta euskal oka izango dugu, euskaraz mintzatzeko joku eta dinamika dibertigarri batzuekin. Honekin batera bertso saio bat entzuteko aukera eukiko dugu. Animatu, parte hartu eta ondo pasa.

GAZTEOK GAZTETXEA BEHAR DUGU!!

Bultza Gazte Antolakuntza!!


Gazte Asanbladen ordutegi aldaketa

Gazte Asanbladen ordutegi aldaketa. Gaurtik aurrera Gazte Asanbladak igandero 17:00-tan izango dira, Zuazo-Arteagabeitiako Auzo Elkartean. Animatu eta parte hartu.

Bultza Gazte Antolakuntza!!


domingo, 1 de diciembre de 2013

OIHU 13


Prest daukagu Oihu, gazte boletinaren 13.zenbakia. Zenbaki honetan: hezkuntzaren erreformari (LOMCE) buruzko azalpen bat daukagu, herri harresia 2.0-ri buruzko artikulua, demokrazia parte-hartzailearen adibide batzuk, iparrak hegoarekiko duen dependentziaren testu bat eta habeas corpus taldeari egindako elkarrizketa bat besteak beste. Honako boletina atzerapenak izan ditu beraz interneten bakarrik irakurri ahal izango da, beraz norbaitek email-egaz jaso nahi baldin badu eskaera bat egiteko email-ez.

sábado, 30 de noviembre de 2013

MALABARE TAILERRAK GAZTETXE IBILTARIAN



Pasa den ostegunean Gaztetxe Ibiltaria dinamikarekin jarraitu genuen, Anaien Parkean hain zuzen. Gaztetxe batean egingo ziratekeen jarduerak kaleratzearekin batera (kasu honetan malabare tailerra), gazteriarentzako lokal autogestionatu baten beharraren aldarriari ahotsa ematen jarraitzen dugu.

Gazte asko bildu ginen eta hainbat pertsonak Gaztetxe Ibiltaria kanpainaren inguruko galderak helarazi zizkiguten. Musika, eskuorrien banaketa eta malabareak uztartu zituen ekimenak aisialdi alternatiboaren argiarekin piztu zituen Barakaldoko kaleak.

GAZTEOK GAZTETXEA BEHAR DUGU!!

Bultza Gazte Antolakuntza!!

Herrikolorek egindako bideoa







BARAKALDOKO GAZTETXE IBILTARIA



Barakaldoko gazteriarentzako aisialdi eta kultura leku eta alternatiba hutsaren aurrean, Barakaldoko Gazte Asanbladak (BGA) izaera konstruktiboa duen salaketa kanpaina martxan jarri du. Horretarako, sistemak ezarritako praktiken aurrean alternatiba berriak eskainiko ditu. 

Gure herrian ez da existitzen egungo gizarte kontsumistak eragiten duen merkantilismotik kanpoko gune askerik, langabezian eta dirurik gabe dauden gazteak egoera hau gogorren pairatzen dutenak izanik. Izan ere, gazteriaren aurkako erasoa da dirua ezinbestekoa izatea kultura-ondasunak bereganatu eta jarduera ludikoetan parte hartzeko.

Horrez gain, gehienetan Udaletxeak inposatutako aisi eta kultura ereduarekin ez gaude ados, kontsumo-zerbitzua ez izatea defendatzen baitugu. Guztiz kontrakoa, behetik behekoentzat zuzendutako aisialdi eta kultura eredua bultzatu nahi dugu: elkartasunean eta Ama lurraren errespetuan oinarrituta dagoena, eraikitzailea eta osasuntsua dena, guztion esku dagoena eta guztion parte-hartzea suspertzen duena. Ez gara ondasun ludiko zein kulturalen kontsumitzaile hutsak izaten jarraitu nahi, gure ingurunearen egoeraren isla den aisialdi konstruktibo eta ondare kultural baten sortzaile bilakatzea helburu dugu.

Hau dela eta, gazteriak kultura eta aisialdiaren alorrean jasaten duen egoera baldarra salatzearekin batera, autogestioan oinarritutako lokal alternatibo baten beharra aldarrikatzen dugu, gazteok kudeatuta eta gazteontzat bideratuta.

Horren harira, Barakaldoko plazetan ikusgarri izango den gune alternatiboa sortzea erabaki dugu: GAZTETXE IBILTARIA. Ekimen honek, lokal autogestionatuan garatuko ziratekeen jarduerak herriko kaleetan plazaratzea du helburu. Ideia hau aurrera eramateko, bi ostiralean behin, Udaletxeak inposatutako aisialdi eta kultura ereduari uko eginez alternatibak sortuko ditugu.

Zuen parte-hartzea espero dugu!

Gazteok gaztetxea behar dugu!

Bultza Gazte Antolakuntza!


martes, 23 de abril de 2013

OIHU 12


Prest daukagu Oihu, gazte buletinaren 12.zenbakia. Zenbaki honetan: gazte danbadaren eta BGAren urteurrenaren kronikak aurkituko ditugu, Barakaldoko puntu beltzen eta azken eraso sexistaren inguruko artikulua, klabelen iraultzari buruzkoa... besteak beste.

 Laster oiko tokitan izango dugu. Gogoratu baita ere finantzatzeko kanpainarekin gaudela, beraz lagundu nahi izan ezkero kontaktuan jarri gurekin.

lunes, 22 de abril de 2013

Otra agresión sexual en Barakaldo

El centro asesor de la mujer “Argitan” ha dado a conocer que la noche del pasado viernes a las 2,15 de la madrugada, una menor ha sufrido un intento de violación por un hombre en los túneles de Lutxana, punto negro donde los haya, tantas veces denunciado por las mujeres de Barakaldo. Argitan en su actualización de campaña de investigación sobre puntos negros en el Municipio viene exigiendo al Ayuntamiento constantemente que mejore, altere o cierre tantos lugares como detectamos y que pueden dar lugar a agresiones sexuales a mujeres, sobre todo los llamados “Túneles de Lutxana”. La anterior agresión sexual tuvo lugar en octubre de 2012.

Sin embargo, en opinión de Argitan, “este gobierno municipal hace oídos sordos a las problemáticas de la ciudadanía en general y de las mujeres en particular, ya que en octubre pasado hubo una violación a una mujer de 50 años un domingo por la mañana en el mismo lugar, denunciada por todas las mujeres, haciéndose el Ayuntamiento de nuevo el sueco en todos los sentidos como en esta ocasión.”

De la misma manera denuncian “tanta proclama sobre protección desde las diversas policías, tanta inversión de 100.000 € desde Diputación para cámaras de seguridad,…tanta declaración desde las instituciones de denuncia contra la violencia sexista en pleno 25 de Noviembre, y sin embargo no mueven a sus técnicos para limpiar, actualizar y controlar esos puntos.”

El centro asesor ha añadido que las mujeres seguimos denunciando toda Violencia sexista, tanto la que se produce en el hogar como la que ocurre en la calle, en el espacio público donde tenemos Derecho a estar como ciudadanas y como mujeres.

Finalmente, piden la solidaridad de toda la ciudadanía y de las mujeres en particular contra estos hechos. Y convocamos a la Movilización contra la Violencia Sexista que tendrá lugar el viernes 26 de Abril a las 19 horas en la Plaza Bide Onera Barakaldo.

NINGUNA AGRESIÓN SIN RESPUESTA
tlf contacto 652 76 22 32

ZORIONAK BGA



7 urte pasa dira jada Barakaldoko gazte asanblada sortu genuenetik, Barakaldoko gazteok antolatzen eta alternatibak  sortzen hasi ginenetik, Barakaldoko errealitateari buelta ematearen proiektuaren lehenengo adaxkak sortzen hasi zirenetik.

Jakin badakigu batzuentzako 7 urte hauek luzeak eta neketsuak izan direla, bada, esplotatzaile, espekulatzaile eta politikari ustelduentzako ez da batere erraza izan horrelako gazteri zirikatzaile eta oztopatzaile batekin bizikidetza baketsu eta lasai bat izatea.

Baina Barakaldoko gazteoi, 7 urte hauek ziztu bizian pasa zaizkigu, gure herria eraso nahi dutenak zirikatzea gure denbora-pasarik hoberena baita, eta, egia esan, egin ditugun ekintza guztietan ikaragarri ondo jardun garelako, irmotasunez eta segurtasunez hartu baikenuen gure bidea, inoiz ez baikara damutu garenaz eta izan nahi dugunaz, eta argia ikusten dugulako gure helburua beraien gezur ilunen artean.

Esan bezala,  7 urte hauetan hamaika bizi izan ditugu, eta oraindik ere aurrera darraigu, gure oraina eta geroa kolokan dagoelako, eta egora honi aurre egiteko aurrez-aurreko borroka irtenbide bakarra dela deritzogulako.

Bide honetan denetarik ikusi izan dugu, Dorretxeko dorrearen zapaiatik hodeiek forma bereziak hartzen zuten, ametsetan bakarrik hartu dezaketen formak, dorretxea ametsa bera zelako. Makalako kristaletatik kaleek kolore arraroak zeukaten, gorputza ilusioz eta gogoz beterik daukazunean bezala ikusten dituzun koloreak bezalakoak, Makala ilusioen fabrika baitzen. Oletako zuhaixka eta belarrek era bitxi batean hasten ziren, bada, ez ziren hasten eguzkiaren argia hobeto jasotzeko, baizik eta zerua ukitzeko gogo eta itxaropenekin botatzen zituzten gorantza haien adarrak, Oleta pasibotasunaren kontrako eta utopiaren aldeko ekintza zuzena izan zelako. Eta kale gorrian geundenean etxe hutsak ikusten genituen iluntasun gris batekin, negarrez hasteko gogoak izango balute bezala, eta amorrua sentitzen dugu, guk barruan daukagun alaitasun, poztasun eta energia guztia ezin diegulako helarazi.

Benetan bide polita egin izan duguna. Eta oraindik ere gogotsu begiratzen diogu etorkizunari erronka berriak gainditzeko prestutasunarekin.

Gaur, pasa izan ditugunak pasata, gazteri kritiko eta errebeldearen ezaugarri den harrotasun eta alaitasunarekin ospatzen dugu gure 7. Urteurrena, eta gure inguruari so eginez, ikusten dugu nola beste behin ere etsaiek gure aurka inoiz baino bortitzago ekiten duten, haien krisi kapitalista aitzakia izanik, nola lana prekarizatzen duten, gure eskubideak murrizten dituzten eta gure lurren suntsiketarekin jarraitzen duten. Honek zeharo larritzen gaitu, baina ez gara desesperoan edo tristuran jausiko, gaur, 7 urte hauetan egin duguna gogoan izanda, eta gazte borrokak eman dezakeen emaitzak ikusita, inoiz baino indar gehiagorekin jarraitzeko determinazioa daukagu, oraindik ere gure begien barnean sua daukagulako.

GORA BARAKALDOKO GAZTE ASANBLADA! GORA BARAKALDOKO GAZTERI KRITIKO ETA ERREBELDEA!