domingo, 14 de abril de 2013

OZTOPO GUZTIEN GAINETIK JAIAK ETA ALDARRIA AURRERA JOAN ZIREN



Atzo Barakaldoko Gazte Asanbladaren urteurrena ospatzeko jaialdia izan zen, Barakaldoko Velazquez plazan batez ere. Egun osoan antolatu ziren ekimenetan asko izan ziren parte hartu zuten gazteak.

Goiza tailerrekin hasi ziren, gerturatu ziren guztiek; belarritakoak, plantilak eta kamisetak egiteko aukera izan zuten, baita dantzak ikasteko. Programan gaztelu puzgarriak programatuta zeuden baina bertan bera geratu behar ziren eguna ospatzeko baimena ukatu zutelako. Baina debekuen gainetik gazteek egunarekin aurrera jarraitzea erabaki zuten, horregatik ez laster agertu ziren munizipalak dena batu behar zela esatera. Beraiekin hitz egin eta gero badirudi mahaiekin egotea zela arazoa ondorioz mahaiak batu eta ekimenak Velazquez plazako bankuetan eta lurrean egiten jarraitu ziren. 

Munizipalen agerpena programa eraldatu zuen eta inprobisaziori ekin behar izan zuten, adibidez Sagardoleren kontzertua indar horibeltzen lokalera jaitsi zen gauean. Hiruretan bazkaria hasi zen eta gazteak plazan zehar bazkaldu zuten. Ondoren atseden tartea izan zen, ala ere gazte batzuk musika egitea, beste batzuk futbolera jokatzea erabaki zuten. Libre egoteko tartearen ondoren jolasak hasi ziren: twister, zelai errea eta sokatiran haritzeko aukera egon zen. Egunari bukaera emateko triki-poteoa izan zen, San Bizentetik Bagatzara heldu arte, Indar Horibeltzen lokalean bukatu eta segidan Sagardoleren kontzertua hasi zen.

Egun arrakastatsua izan zen, jende asko parte hartu zuen egun osoan zehar, gainera mundu guztia ondo pasatu zuen eta beste behin ere erakutsi zen Barakaldon alternatiba bat eraikitzeko prest daudela gazte asko.

No hay comentarios:

Publicar un comentario