MANIFESTAZIO ERRALDOIA ATZOKOAN BARAKALDON

Atzo 3.000 pertsona baino gehiago Barakaldoko kaleak bete genituen langabezia eta murrizketa sozialen kontra eta ezkerraldearen alde. Sistema kapitalistak langile eta herritar guztion eskubideak suntsitzen eta gure klasea ustiatzen jarraitzen du. Horregatik kalean egon behar gara, bide bakarra da gauzak aldatu ahal izateko ezinbestekoa izango da kalean egotea, mobilizatzea eta presio soziala erabiltzea boteretsu ezberdinen kontra, beraien politika neoliberalak suntsitzeko eta sistema sozial bat eraikitzeko.

Hurrengo pausua otsailaren 25ean, Bilboko bihotz sakratu plazan 18:00etatik aurrera egingo den manifestazio nazionalean. Data hori pasatu ondoren Martxoaren 29 izango dugu, egun horretan greba orokorra izango dugu. Data garrantzitsu hauez gain eguneroko lana eta mobilizazio ezberdinak izango ditugu, hurrengoa astearte honetan 10:15etan Barakaldoko ekintza sozialen departamentuan (zaballa kalean) giza laguntzen murrizketak direla eta.